பாராளுமன்ற வினாக்கள், மனுக்கள் மற்றும் பிரேரணைகள்
மக்கள் மனுக்களை சமர்ப்பித்தல்
சபை ஒழுங்கு விதி 18 இன் கீழ் மேல் மாகாணத்தில் வசிக்கும் எந்தவொரு குடிமகனும் தனது குறைபாடுகள் அல்லது பிரச்சினைகள் தொடர்பில் மாகாண சபை உறுப்பினர் ஊடாக சபைக்கு மனுவை சமர்ப்பிக்கலாம்.
மனு சபையில் சமர்ப்பிக்கப்பட்ட பின்னர் மேலதிக விசாரணைக்காக மக்கள் மனுக்கள் குழுவுக்குப் பரிந்துரைக்கப்படும்.
அமைச்சர்களின் விடயதானங்கள் தொடர்பில் வினாக்களைக் கேட்க உறுப்பினர்களுக்கு அதிகாரம் உண்டு. வினாக்களுக்காக சபை அமர்வில் அரை மணித்தியால (1/2) நேரம் ஒதுக்கப்படுகிறது.
- ஒரு வினா 150 சொற்களுக்கு மிகாமல் இருக்க வேண்டும்.
- ஒரு நாள் நிகழ்ச்சி நிரலில் அதிகபட்சம் 15 வினாக்களும், ஒரு உறுப்பினருக்கு அதிகபட்சம் 03 வினாக்களும் அனுமதிக்கப்படும்.
- நீதிமன்ற விசாரணையில் உள்ள விடயங்கள் அல்லது தனிப்பட்ட அவதூறுகள் உள்ளடக்கப்படக் கூடாது.
சிறப்புரிமைப் பிரேரணைகள்
உறுப்பினரின் கடமைகளுக்கு இடையூறு விளைவித்தல் அல்லது ஊடகங்களில் தவறாக உரை சித்தரிக்கப்படுதல் சிறப்புரிமை மீறலாகும். இதற்கு சபையில் முதலுரிமை வழங்கப்படும்.
தனிப்பட்ட விளக்கங்கள்
தவிசாளரின் முன் அனுமதியுடன் உறுப்பினர் ஒருவர் தனிப்பட்ட விளக்கத்தை அளிக்கலாம்; அதன் மீது விவாதம் எதுவும் அனுமதிக்கப்படாது.
அனுதாபப் பிரேரணைகள் & விடுமுறை
உறுப்பினர்கள், ஆளுநர்கள் அல்லது அரச தலைவர்களின் மறைவு குறித்து அனுதாபப் பிரேரணைகள் முன்வைக்கப்படும். அமர்வுகளிலிருந்து அதிகபட்சம் 90 நாட்கள் விடுமுறை பெறலாம்.
மாகாண சாசனங்களை உருவாக்கும் செயல்முறை
சாசனம் என்பது மாகாணத்தில் நடைமுறையிலுள்ள பிராந்திய சட்டமாகும். சபை ஒழுங்கு விதி 37 இன் கீழ் முமொழிகளிலும் தயாரிக்கப்பட்டு சபைச் செயலாளரிடம் சமர்ப்பிக்கப்படும் வரைவுச் சாசனம் பின்வரும் மூன்று கட்டங்களை வெற்றிகரமாகக் கடந்த பின்னரே சட்டமாகிறது:
1. முதலாம் வாசிப்பு
சாசனத்தின் தலைப்பு சபைச் செயலாளரினால் சபையில் வாசிக்கப்பட்டு சமர்ப்பிக்கப்படும். இக்கட்டத்தில் விவாதம் எதுவும் நடைபெறாது; சாசனம் அச்சிடப்பட்டு உறுப்பினர்களுக்கு விநியோகிக்கப்பட்டு நிகழ்ச்சி நிரலில் சேர்க்கப்படும்.
2. இரண்டாம் வாசிப்பு & குழு நிலை (Second Reading & Committee Stage)
சாசனத்தின் கொள்கைகள் மற்றும் கோட்பாடுகள் மீது முழுமையான விவாதம் நடைபெறும். அதன் பின்னர் முழு சபைசார் குழு அல்லது சாசனங்கள் பற்றிய நிலையான குழுவுக்கு அனுப்பப்பட்டு ஒவ்வொரு பிரிவும் விரிவாக ஆராயப்பட்டு திருத்தங்கள் செய்யப்படும்.
3. மூன்றாம் வாசிப்பு & நிறைவேற்றப்படுதல் (Third Reading & Enactment)
திருத்தங்களுடன் கூடிய சாசனம் இறுதியாக விவாதிக்கப்பட்டு வாக்கெடுப்பு மூலம் நிறைவேற்றப்படும். தவிசாளரின் சான்றிதழ், ஆளுநரின் ஒப்புதல் மற்றும் வர்த்தமானி வெளியீட்டின் பின்னர் அது மாகாணத்தின் உத்தியோகபூர்வ சட்டமாக மாறும்.