செங்கோல் மற்றும் உத்தியோகபூர்வ சின்னம்

பாரம்பரிய கருங்காலி மரம் மற்றும் வெள்ளி நூலினால் உருவாக்கப்பட்ட மேல் மாகாண சபையின் உத்தியோகபூர்வ செங்கோல்

செங்கோலின் குறியீட்டு மற்றும் கட்டடக் கலை அம்சங்கள்

1. அடிப்பாகம் - மலர்ந்த தாமரை மலர் மற்றும் நாரிலதா வேலைப்பாடு

செங்கோலின் அடிப்புறம் தூய்மையின் உன்னத சின்னமான மலர்ந்த தாமரை மலரின் வடிவத்தில் செதுக்கப்பட்டுள்ளது. அதற்க்கு மேல் நாரிலதா மற்றும் பினர மலர் அலங்காரங்கள் அமைந்துள்ளன.

2. தண்டு - கருங்காலி மரம் மற்றும் வெள்ளி வடிவமைப்பு

இலங்கைக்கு உரித்தான உயர்தர கருங்காலி மரத்தினால் தண்டு இரு பிரிவுகளாக ஆக்கப்பட்டுள்ளது. தண்டு மீதான சதுரக் கட்டையின் இருபுறங்களில் சூரியன் மற்றும் சந்திரன் (நித்திய நிலைத்தன்மை) மற்றும் ஏனைய இருபுறங்களில் தர்ம சக்கரமும் பூரண கும்பமும் செதுக்கப்பட்டுள்ளன.

3. எண்முனை தூண் தலைப்பு மற்றும் அஷ்ட மங்கல சின்னங்கள்

கம்பளை யுக பாரம்பரிய தூண் போதிகை அமைப்பில் மக்களின் ஆரோக்கியம், செழிப்பு மற்றும் நல்வாழ்வை ஆசீர்வதிக்கும் அஷ்ட மங்கல சின்னங்கள் (சாமரம், ஸ்ரீவத்சம், பூரணகும்பம், சங்கு, பத்திரபீடம், மீன்ஜோடி, சுவஸ்திகம், அங்குசம்) செதுக்கப்பட்டுள்ளன.

4. மூன்று மாவட்டங்களை பிரதிபலிக்கும் கோளங்கள்

மேல் மாகாணத்தின் மூன்று மாவட்டங்களும் விலங்கு உருவங்களால் குறிக்கப்பட்டுள்ளன: கொழும்பு மாவட்டம் - கசையினை கையேந்திய சிங்கம், கம்பஹா மாவட்டம் - மூன்று தலை நாகம், மற்றும் களுத்துறை மாவட்டம் - கருடன் உருவம்.

5. உச்சி - வாளேந்திய சிங்கம் மற்றும் பிரபஞ்ச படிக கூம்பு

பிரபஞ்சத்தை குறிக்கும் கோளத்தின் மீது இலங்கை தேசத்தின் வீரத்தை குறிக்கும் வாளேந்திய சிங்கம் அமைக்கப்பட்டுள்ளதுடன், உச்சியில் இயற்கை படிகக் கூம்பு பொருத்தப்பட்டுள்ளது. சபை கூடும் போது இப் படிகக் கூம்பு ஆளுங்கட்சியை நோக்கி இருக்குமாறு வைக்கப்படும்.

மேல் மாகாண சபையின் உத்தியோகபூர்வ சின்னம்

மேல் மாகாண சபையின் உத்தியோகபூர்வ ஆவணங்கள், சாசனங்கள், ஹன்சார்ட் அறிக்கைகள் மற்றும் சட்டமன்ற வெளியீடுகளுக்கு பயன்படுத்தப்படும் இச்சின்னம், மாகாணத்தின் வரலாற்றுப் பாரம்பரியம் மற்றும் மக்களாட்சி மாண்புகளை எடுத்துக்காட்டுகிறது.

இலங்கை தேசிய சின்னத்தின் மரபுகளுக்கு அமைவாக சபைச் செயலகத்தினால் உத்தியோகபூர்வமாக பயன்படுத்தப்படுகின்றது.